မြန်မာ လက်ဖက်ရည် ကောင်းကောင်း ဖျော်သောက်မယ်

ဒီတစ်ပတ်တော့ ပြည်ပရောက် မြန်မာ မိတ်ဆွေ တွေအတွက် မြန်မာပြည် အလွမ်းပြေ မြန်မာ လက်ဖက်ရည် ချိုချို ကျကျ ဖျော်နည်းလေး ကြားဖြတ်ပြီး လက်ဆောင်ပေး ချင်ပါတယ်။ ကျွန်တော် ကိုယ်တိုင် နေ့ တိုင်း ဖျော်သောက်နေကြပါ။ ကျွန်တော့် မိတ်ဆွေများလဲဗမာ လက်ဖက်ရည် ကောင်းကောင်း ကိုယ်တိုင် ဖျော်သောက်နိုင်အောင်ပါ။

မြန်မာ လက်ဖက်ရည် ကိုယ်တိုင် ဖျော်သောက်ဖို့  အတွက် လိုတာတွေ ကတော့ အရေးအကြီး ဆုံးက လက်ဖက်ခြောက်ပါ။ ပြည်ကရောက် မြန်မာတစ်ယောက် အတွက် မြန်မာ လက်ဖက်ခြောက် အချို ပြည်ပမှာ ဝယ်ရဖို့  ဆိုတာ သိပ်မလွယ်ပါ။ ဒါပေမယ့် အားမငယ် ပါနဲ့ ။မြန်မာ လက်ဖက် အချိုခြောက် ရှိမှ မြန်မာ လက်ဖက်ရည် ဖျော်သောက်လို့  ရတာ မဟုတ်ပါဘူး။ ပြည်ပမှာ အလွယ်တကူ ဝယ်လို့ ရတဲ့ Lipton လက်ဖက်ခြောက်နဲ့ လဲ ဖျော်သောက်လို့  ရပါတယ်။ ဒါပေမယ့် ရိုးရိုး Lipton မဟုတ်ပါဘူး။ English Breakfast Tea လို့  ခေါ်တဲ့ လက်ဖက်ခြောက် အမည်း (Black Tea) ကို ရှာဝယ်ရပါမယ်။ Super Market ကြီးတွေမှာ ဝယ်လို့ ရတတ်ပါတယ်။ ကောင်းကောင်း သောက်ချင်ရင်တော့ Twining English Breakfast Tea (သို့ ) Dilmah English Breakfast Tea (သို့ ) Dilmah Ceylon Origin ကို ရှာဝယ်သင့်ပါတယ်။ အထုပ်သေးလေး ၂၅ ထုပ်ပါတဲ့ တစ်ဘူးကို Thai Baht 140 – 200 လောက် ပေးရပါမယ်။ US$ သို့  Singapore dollar နဲ့ တော့ ကိုယ့်ဖာသာ တွက်ကြည့် ကြပါတော့။

twining english breakfast tea

နောက်တစ်ခုလိုတာ ကတော့ နို့ ဆီနဲ့  နို့ စိမ်းပါ။ ဒါကတော့ ရှာရ မခက်ပါဘူး။ နောက်ထက်လိုတာကတော့ လက်ဖက်ရည် နှပ်ဖို့  ရေနွေးကရားပါ။ ၂ ခွက် ၃ ခွက် ဖျော်စာ အနေတော်ဆို ရပါပြီ။ ကျွန်တော်ကတော့ လျှပ်စစ်နဲ့  တည်တဲ့ ရေနွေးကရားလေး ဝယ်ထားပါတယ်။ ဂက်စ် မီးဖိုနဲ့  သုံးမယ်ဆိုရင်တော့ ရိုးရိုး စတီးရေနွေးကရားလဲ ရပါတယ်။

နောက်ဆုံး လိုတာကတော့ လက်ဖက်ရည် သောက်ဖို့  ခွက်ပါ။ မြန်မာ ပြည်က ဆိုင်တွေမှာ သောက်တဲ့ ခွက်အသေး အရွယ်ဆို လက်ဖက်ခြောက် တစ်ထုပ်စာ အနေတော်ပါပဲ။ ဒီ့ထက် ကြီးရင် လက်ဖက်ရည်က သောက်လို့  မကောင်းတော့ပါဘူး။ ပေါ့သွားလို့ ပါ။

ကဲ၊ စဖျော်ကြရအောင်။ ပထမဆုံး လက်ဖက်ရည်ခွက်နဲ့  ရေကို ချင်ထဲ့ ရပါမယ်။ တစ်ခွက်အပြည့်နီးပါး ဆို တစ်ယောက်စာပါ။ ဒါမှ ကြိုပြီး ရင် သုံးပုံ နှစ်ပုံလောက် ကျန်ပါလိမ့်မယ်။

ကိုယ်လိုသလောက် ခွက်ချိန် ချိန်ပြီးရင် ရေနွေးကို ဆူအောင် အရင်ကြိုပါ။ ရေနွေးဆူပြီဆို လက်ဖက်ခြောက်ကို အထုပ်လိုက် တစ်ယောက် (တစ်ခွက်) တစ်ထုပ်နှုန်း ထည့်လိုက်ပါ။ ဖောက်မထဲ့ပဲ အထုပ်လိုက် ထည့်လဲ ရပါတယ်။ အထုပ်လိုက် ထည့်တော့ နောက်ဆေးရကြောရတာ သက်သာတာပေါ့။ ကျွန်တော်ကတော့ ဆေးရမှာ ပျင်းလို့  အထုပ်လိုက်ပဲ ထည့်တယ်။

ကောင်းပြီ။ လက်ဖက်ချောက် ထည့်ပြီးပြီ ဆိုရင် ဆူအောင် ထပ်တည်ပါ။ တည်တဲ့ ရေနွေးအိုးက လျှက်စစ်နဲ့  တည်တဲ့ အိုးဆိုရင် ခလုပ်ကလေး နှိပ်လိုက်ရုံပါ။ ဆူရင်သူ့ ဖာသာ ဖြတ်လိုက်ပါလိမ့်မယ်။ ဒါဆို လက်ဖက်ရည် နှပ်လို့ ရပြီ။

လက်ဖက်ရည်နှပ်ချိန်က ကိုယ့်အကြိုက်ပေါ် မူတည်ပြီး ၁၅ မိနစ်ကနေ မိနစ် ၃၀၊ လက်ဖက်ရည် ဖန်ဖန် ကျကျ သောက်ချင်ရင် တစ်နာရီ လောက်ထိ နှပ်နိုင်ပါတယ်။ ဒီလိုနှပ်ထားချိန်မှာ လက်ဖက်ရည် မအေးသွားအောင် ၃ ခါကနေ ၅ ခါ မထိ ဆူအောင် ပြန်တည်ပေးပါ။ ဒီ့ထက် ပိုများများ ဆူအောင် တည်ရင် ရေခမ်းသွားပါလိမ့်မယ်။

နောက်ဆုံး တစ်ခေါက် ဆူအောင် တည်ပြီးရင် လက်ဖက်ရည် ဖျော်လို့  ရပါပြီ။ အရင် နို့ ဆီ လက်ဖက်ရည်ဇွန်း တစ်ဇွန်း ခွက်ထဲ အရင် ထည့်ပါ။ ချိုချို သောက်ချင်ရင်တော့ ၁ ဇွန်းခွဲ ဒါမှမဟုတ် နှစ်ဇွန်းပေါ့။ ပြီးရင် ခုနက ဆူပြီးတဲ့ ကျရေကို ခွက်ထဲ လောင်းထည့်လိုက်ပါ။ ပွက်ပွက်ဆူ နေတုန်း မလောင်းထည့်ပါနဲ့ ။ အပူလောင်မှာ စိုးလို့ ပါ။ ဒါဆို လက်ဖက်ရည် ခွက်နဲ့  ၃ ပုံ ၂ ပုံ လောက် ရပါပြီ။ ဒီအထဲကိုမှ နို့ စိမ်း ကိုယ် ကြိုက်သလောက် ထည့်၊ ဒါဆို မြန်မာ လက်ဖက်ရည် ချိုချို ကျကျ ပြစ်ပြစ် ရပါပြီ။

ဒီ ပိုစ့်ကို မြန်မာ URL နဲ့  စမ်းတင်ကြည့်တယ်။ ရမရတော့ မသိသေးဖူး။ တင်ပြီးမှပဲ သိရမှာပဲ။ Firefox မှာဆို မြန်မာလို URL ပေါ်ပါတယ်။ ဒါပေမယ့် Internet Explorer, Apple Safari, Google Chrome မှာဆို မြန်မာလို URL မပေါ်ပါ။

Author: Bamarlay

Bamarlay - Myanmar man is a blogger from Myanmar, currently living in Thailand.

4 thoughts on “မြန်မာ လက်ဖက်ရည် ကောင်းကောင်း ဖျော်သောက်မယ်”

  1. I love your blog. I have seen it before a while back but forgot to subsribe you. Now, I came across to your blog while searching for Win Oo’s songs. Keep up the good work. I am becoming your all time reader.

  2. လက်ဖက်ရည်ကောင်းလေးကို လာသောက်သွားပါတယ်။ ကြိုက်တော့ မကြိုက်ဘူး။ 😛

Leave a Reply